Tripura hasteni Kailasahar Akashvani belai jwngjalo kwlaima koktwma sal kwdwkma romwino koktwmao kwsawi phaimani. Phiya amchaini tongkosong lukurog abono twiwi kwbangma salaijak tongmani, choil kahamkhe khwlaidi hwnwi.
Paithago amchaini MLA Birajit Sinha kokthun swikha Indiani Information & Broadcasting Minister Ashwini Vaishnawno. Koktuno swrai swrai sakha, Kailaisaharni AIRni samung tangnairog khaksa bwkhak kahamkhe jorao office phaiya, borogni je muchungtwi phaio thango. Abono karwibo teibo nangkukjak wngkha aro tongnai tongkosong lukurog kwbangma haphangni schemeno twiwibo mungsa update manya wngmani kokno khursakha. Abohai hwnwino koksilsamung MLAni.
Khamung MLAni daktino abo kahamkhe choil khwlaijagwnwi hwnwi.
