Khumpui Culture Academy nokha salnwi bagwi hukumu panda songsakha
Chasalo nokha salnwi ni bagwi Agartala Astable Ground o Khumpui Culture Academy bai songsajak panda no phiyogwi rwkha. Koktwma no rwksawi panda chengnani swkang watwi kisa wamabai jwngjalo kwlainani nangkha. Panda ni naharmung Hukumu ni bisingtwi khoroksabai khoroksa halok bolainani.
A salni hukumu pandao rwksawi songsajak pandao Tripura ni srisitini chamung no karwibo richum akorogbo phaljago. Pandao lukurogno kwbangkheno kuthumani nukjakha.
Pandao Tripura hasteni mantri okra Dr. Manik Saha sakha, Tripura haphang tabuk Tripura ni Tiprasa hamkraini kokno khorogo wansugwino budget ni bwkhak kwbang khwlaiwi boksinjakha ayang bwkhak naisigwino samungbo khwlaijaknai hwnwi.
Pandao mantri okra no karwibo Khumpui Dance Academy twidulnai Panchali Debbarma, Agartala Municiple Corporation Mayor Deepak Majumder no khobwi tei kubuni samung tangnairog.
