Nallu Indrasena Reddy : 20th Tripura New Governor lamsoklaikha rwchapmungni bisingtwi

by Gobin Debbarma - Oct 28, 2023 9:23 AM

Phasalo Tripura State Guest House kaisa pandani khwlaimani bisingtwi Tripura hasteni 20^th kwtal hastepha Indrasena Reddy no borom rwui kwthar khumbaikhe lamsoklaikha. 26^th October smai tangma panda paimani ulo Tripura ni hukumurog no phunukna bagwino o panda khwlaijakha. Aboni ulo teisa Tripura ni rwchapkwrwngrogno twiwi panda khwlaikha Tripura haphangni bwkhaktwi.

Kokthum no rwksawi Tripura ni hastepha Indrasena Reddy khoroksa Bharatiya Janata Party ni National Secretary tei uaitham MLA wngjak. Hasteni kwcham hastepha Satyadev Narayan Arya swlaiwi tabuk philnwichi hastepha chongjakha Reddy no.

A salo rwchapkwrwng ni bisingtwi yachaksoklaikha bono. Rwchapkwrwng ni bisingo Tripura rwchapkwrwng Sadhana Reang no khobwi kubuni.

Pandao tongo Tripura hasteni mantri okra Dr. Manik Saha, kuchum berem ni samung tangnairogno khobwi tei kubuni.