Tribal Hero Birsa Munda 148th achaima sal palaijakha Astable Ground o ! Tribal Welfare Deapartment Govt. Of Tripura
Rabindra Satabarshiki Bhawan Birsa Munda ni achaima sal no rwksawi Janajatiya Gaurav Divas haste beremni panda kotor khwlaikha. A salo kwbangkuk khwlaiwi Birsa Munda ni laibuma khursawi koklam salaikha tei abono karwibo hukumuni boromno twiwibo nangkukjak koklam salaikha.
A salo Tripura haphangni eba kendra haphangni dalbidal sep sab tongkosong lukurogni bagwi tikhwlaimani aborogno twiwino khursawi sakha Tripura ni mantri okra Dr. Manik Saha.
Abohaikhe Birsa Munda ni achaima sal palainani bagwi Tribal Welfare Department ni luajimungbai naithothok khwlaiwi swnamwi tisajakha Astable thwngnokhwla. Aro tonganw sirisitini chamung tei mwsamung akorog phunukjaknai.
A salni pandao tongo Mantri okra Dr. Manik Saha, Tiprasa hamkrai mantri Bikash Debbarma, Minister Sukla Charan Noatia tei kwrwngjak bedekni kubuni samung tangnairog.
