Tripura Governor Indrasena Reddy : Guru Purnima Festival 2024
Koktisalo Agartala Sukanta Academy Guru Purnima Festival palaikha. A salo o pandano luajikha Sanskar Bharati Tripura Prant. Hohom dodom khwlaiwi o salno palaikha. Pandani kokbothoma wngkha Guru samman and Cultural Programme.
Guru Purnima sal no kitingtwi chati sogwi pandao chengwi rwkha manjaknai ojamarog. Pandao Tripura hasteni hastepha Indrasena Reddy sakha, Tripura haste chikon hinphano hukumu mukumuno twiwi belai khathonsawi samung tangwi tongo. Sathai kwlaio Agartala ni Langkamura Alpana Gram, Charilam ni Pushkar Bari, Belonia Munda Kamino khobwi teibo kwbangma hukumu no romwi narwgwi tonio.
Alaida khwlaiwi Tripura EX-CM Jishnu Dev Varman kok narwkna thangwi sakha, Tripura hasteni kaichar hangkhorni khorok char adongrogno Guru Samman yapharkha tei dalbidal bodolni hukumu hamjaknairogbo o pandao kwrwngkha tei ang sakbaithang khakchangkha.
A salni pandao tongo University Vice Chancellor Dr. Ganga Prasad Prasain, Sanskar Bharati ni adongrogno khobwi tei kubuni samung tangnairog.
