Indian Prime Minister Modi : Smai tangmani nokha salchi ni ulo Nalanda University
Mung simiya, sinimungbo belai kotorkuk Nalanda University. Srangsalo phiyogwi rwkha Narendra Modi. Khatung khaja wngmani nukjakha o University no kwtal khwlaiwi nugwi tong kosong lukurog.
Phiyokmungni pandao tongo Phatar haa mantri S. Joyshankar, Bihar Governor Rajendra Biswanath Arlekar, Bihar CM Nitish Kumar tei Nalanda University ni Vice-Chancellor no khobwi kubuni samung tangnairog.
Pandao manjagwi PM Modi sakha, ang belai khatungkha waitham kendra haphang swnamani ulo nokha salchi ni bisingo abono puila kwrwngmani. Bwskangni salo teibo hamkrai yapri naharjaknai hwnwi kok sakha. Alaida khwlaiwi bijap sogwi khibiphano phiya swrwngmani abo molbrum no tongnai.
