Mandai Eklavya school o thangwi sogwi Tiprasa hamkrai mantri Bikash tei Swapna
Koktisalo Tripura haphangni Tiprasa hamkrai manti Bikash Debbarma tei Tipra Motha ni MLA Swapna Debbarma Mandai Eklavya School thangwi visit khaikha. Abono karwibo logio tongo amchaini kwrwngjak bedekni samung tangnairogno khobwi tei kubuni.
Sal kisa swkang o school no twiwi kisa juda koklam khwnamano twiwi o yapri naharmani hwnwibo koktwma mantrini. Tripura ni kwrwng kwrwng thaio themrangrog yapri naharmano twiwi eba yak thabengmano twiwibo a salo koklam sakha mantri.
Alaida khwlaiwi teibo sakha bwskangni salo o school jephuru phiyokjaknai aphuru amchaini swrwngnairog belai kaham kobolmung tei swrwngmung kaham manai hwnwi sakha.
