Tripura hasteni kaichar hangkhorni bisingo Dhalai hangkhor belai hakchal tei belai beser amchai hwnwibo sinijago. Haiphano Dhalai hangkhorbo tabuk joto bwkhaktwino twrwk twrwk hamkraini sinimung manjak hangkhor.
Abohaikheno Dhalai hangkhorni Utkarshi Majumder NCERT bai luajijak National Level Kala Utsav 2025 kwplai wngkha. Bo Holly Cross School o rwng swrwngwi tongo.
Koktwmao sawi mankha Utkarshi agio bwkhaste beremni Kala Utsav o bataiwi kwplai wngmani ulono twrwk twrwk hangkhor beremni batainani sep manjamani.
