Swrwngnairog Bodhjung Girls School ni : naikha Tripura Forest Minister Animesh Debbarma
Kubuni salni haikhe sangrongsalo Bodhjung Girls School ni swrwngnairog school thangma joraono sakhamya wngwi uru muru nangwi thango rwngnokni kubuni swrwngnairogno karwibo rwngnokni phwrwngnairog.
Patimungni koktwma manma ulono dal bidal rwngthwng bodol ni samung tangnairog no karwibo kwbangma NGO motharog thangwi koktwma naharkha.
Koktwmao sawi mankha kwbangma sakhamya wngwi kwlainairog MBB Welfare Hostel ni hwnwi. Hostel ni barja naharjak samung tangnairog o patimungno twiwi chethorowi nainai hwnwibo sakha.
Koktwma manma ulono Tripura ni GB sakhamnogo twlangjakha sakhamya swrwngnairogno tei logi logino thangwi sogwikha Bolong mantri Animesh Debbarma, Tripura ni CM Dr. Manik Saha tei abono karwibo TSU ni samung tangnai adongrogbo thangwi naikini khwlaikha.
CM o patimungni joto naikini khwlaiwi yapri naharjaknai tei sakhamya swrwngnairogno GB Hospital ni Doctorbai koklam salaiwi kahamkhe sak naikini khwlaijaknai hwnwi sakha.
