Arun, Manoj, Rumi, Lipika & Hamsouhti kaisa frame o kwtal Music Video ?
Kokborok Music Industry tabuk twrwk twrwk swlaimung phaiwi tongo. Sana thangkhe kokthaisabai o Industry ni artistrog sakni kokno wansukyawi dophani kokno bahaikhe pirwi man tei o industry ni samungno bahaikhe kuwar khwlaiwi man ayang bwkhak naisigwino yapri selaimani nukjagwi tongo. Abono puila borog Kokborok Industry 1 frame khe malailaimani.
Bwskangni salo Kokborok ni Playback Singer Arun Debbarma tei Bipasha Reang khuktwi rwchapjak tangsa rwchapmung tikhwlaijagwi mano. Rwchapmungo kokthai kholkha Arun Debbarma tei Music Director wngkha Suzit Debbarma. Sawi mankha Tripura ni belai kwchamkuk Actor Manoj Debbarma o rwchapmungni video khwlainano twiwino koklam panda. O rwchapmungni video dakti dakti khwlaiwi tikhwlainano twiwi krak wansukmung naharkha rwchpkwrwng tei swikwrwng Arun Debbarma.
A salni kokchap pandao logio tongo Tripura ni Actress Rumi Murasing, Lipika Debbarma tei Choreography Hamsouhti Reang.
