Tripura Playback Singer Manik Debbarma Kokborok Industry belai kuchuk tisawi tongo
Tripura hasteo tabuk kwbangmano rwchapkwrwngrog hapharo gwdalmani nukjagwi tongo. Aboni bisingo Manik Debbarma tabuk belai Popular wngjak Tripura hasteo. Talo tangsaya tangsa khwlaiwi rwchapmungbo nongkhorwi tongo bini.
Tabuksak jora Kokborok Industry o jotowi tang sranwichiba rwchapmung(125 Songs) rwchapkha. Joto rwchapmungno bini ama ni kok Kokborok languages baino rwchapjak.
Manik Debbarma jephuru School life tongphuru ni simi rwchapmungni hapharo gwdalmani eba bisi 2004 ni simi chengsamani. Aboni bisikba(5 Years) ni ulo eba 2009 bisio puila rwchapmung tangsa chengmani. Ah rwchapmung Hamjakma Kaisa Beram. O rwchapmungni Tripura Versatile Singer Parmita Reang bai Duet rwchapmani. Tripura hasteo belai popularbo wngkha o rwchapmung.
Puila Musical Bodol kwrwngmani Khorang Musical Bodol . 2nd Musical Bodol Yarwng Musical Bodol bai 2017 simi chengwi tabuk o teambaino samung tangwi tongmani nukjagwi tongo.
Popular Singer Manik Debbarma Kokborok rwchapmungni hapharo rwchapmungo simiya tabuk twrwk twrwk Music Video kwrwngwi kahamno samungbo tangwi tongo. tabuksa jora Music Video jotowi tangbrwi o samung khaikha. 1st Bwkha Ani Bwkha, 2nd Langma swlaijakma hai, 3rd Bwkha Belai Tongthokha, 4th Twma Muwani.
Paithago Manik sakha, Tripura ni Hukumu Mukumubai gwdaljak Artistrog chwng kaisa Rules and Regulation swnamwi kotorma Association khaikhe belai hamkuknai tei Artistrogno twiwi Tripura Haphang kaisa Platforms khaikhe hamkuknai.
