Barakathal amchaio Siddheshwari mandir phiyokmungo kwrwngkha UP CM Yogi Adityanath
Tangsalo kaisa pandani bisingtwi naithothokhe phiyogwi rwjakha Siddheshwari mandir. O mandir achukrwjakha Tripura ni Barakathal.
Swkango sakhwlaijak tongmano rwksawino raida no rakhogwi o mandir no phiyogwi rwkha UP ni CM Yogi Adityanath, Tripura CM Dr. Manik Saha, Tripura Maharaj Pradyot Bikram Kishore Manikya Bahadur Debbarma no khobwi tei kubuni samung tangnairog.
A salni pandao mantri okra o mandir no twiwi laibuma khursawi koklam sakha. Tei jora kaisa o mandir ni ajama okra ni thangwi koklam salaikha.
UP CM Yogi sakha, Double engine haphang teibo hamkrai samung bwtang khwlainano twiwi wansukmung naharjak. Teikhaksa bwkhak a salo Bangladesh ni patimung tei Pakistang ni kokmangno twiwi tekarakhe sakha.
Tripura Maharaj sakha thinango bahaikhe hamkrai tei Tripura hamkraino twiwi yapri bolai man ayang bwkhak naisigwi yapri senani sakha.
