Tripura Queen Pineapple : Tripura CM rohorkha 500 kg Bangladesh PM Hasina no
Koktisalo Agartala-Akhaura Integrated Check Post ni lamatwikhe Tripura ni CM Dr. Manik Saha Bangladesh ni PM Sheikh Hasina no Tripura Queen Pineapple rohorkha 500 kg.
Bisi brum brumno Tripura ni wngwi abohaikhe amotwi bwthai(Pineapple) Bangladesh o rohorjago tei khatung khaja wngmani nukjago. Kwnwi haa kotor ni abohai yapri naharmano baksa baksa bolaiwi kok salaimani nukjago.
Koktwmao sawi mankha joto 100 Container Box ni bisingo Box thwgwi thai dok khwlaiwi dajak tei thaisa 750gm khwlaiwi tongo. Jotowi ser bara rohorkha.
Chini kwnwi haa kotorni bisingo halok bolaimani bisi kwdwkma romwino tongo tei tongwino thangnai. Khursathai kwlai Geographical Indication(GI) manjak Tripura Queen Pineapple belai kothok tei Worldnibo jotoniswlai kaham o bwthai hwnwi sakha Dipak Baidya.
Teibo khursathai kwlai, Tripura Queen Pineapple Geographical Indication(GI) tag manmani North Eastern Regionla Agricultural Marketing Corporation bisingtwi.
