Agartala-Sealdah Kanchanjungha Express atoma patimungo kwlaimano kha khamjakha: Tripura Governor Indra Sena Reddy Nallu
Agartala-Sealdah Kanchanjungha Express patimungno twiwi jotono kha khamani boyar sibsajak. Haiphano kwbangkuk khwlaiwi o malkhung kolokgo Tripura kwsanairogno kwbangkuk hwnwi khao chonglaijak tong kosong lukurog. Koktwma sawi mankha Kendra ni Rail mantri Ashwini Vaishnaw thwiwi thangjakrogni nukhungno 2 lack khwlaiwi rwjaknai hwnwi sakhwlaikha.
O patimungno twiwi Tripura hasteni CM Dr. Manik Saha tei bini mantri bedekni kubuni adongrogbo kha khamani koklam salaikha. Alaida khwlaiwi kendra ni Rail Mantri Ashwini Vaishnaw koklam salaiwi sak hamya wngjakrogno dakti dakti khwlaiwi chubachuni yak pholokjak hwnwibo baithangni social mediao sakhwlaikha.
West Bengal New Jolpaiguri o patimung kotor patimano twiwi kha khamlaijak kwrwngjak bedekni samung tangnairog.
Koktwmao teibo sawi mankha Rail bedekni aboni joto barja naharjaknai sakhamyarogno naikini khwlainani.
