Father of Tipraland Narendra Chandra Debbarma, Bini Imang Mukthang Sunamnai ! IPFT

by Gobin Debbarma - Aug 23, 2023 2:06 PM

IPFT(Indigenous People Front of Tripura) 2009 ni simi Separate State Tipraland ni sanwi khorang tisalaimani. 15^th Delhi ni Jantar Mantar thangwi khorang tisalaimanibo nukjakha. Thangnai 17^th August o Agartala ni simi teisa hainohai lam rwmani.

                                         Delhi Jantar Mantar

Kokthum o 2018 ni simi BJP-IPFT haphangbai Govt khaiwi tongmani ulobo mungsa kok Bidhansabhao tisawi manya eba IPFT nangkukjak Demand Tipraland twiwi mungsa kok sajakya wngwi paithago hainohai Central Govt. ni thani 23^rd August khorang tisalaimani nukjakha Delhi o. IPFT ni samung tangnairog joto taklai 200 simi 250 hairog borok thangwi khorang tisalaimani. 

A salo Delhi ni Jantar Mantar o IPFT ni ojama Sukla Charan Noatia swrai swrai khwlaiwi sakha Tripura o Tiprasarog dalbidal jwngjal kuplwng. O jwngjalni yakni Tiprasarogno mwthangmung rwnani hinkhe chwngno Article 2/3 ni bisingo kaisa kwtal haste rwnani nango. Tangwi hinkhe Tripura kok, hukumu, thai aborog mungsa mwthangmung kwrwikha aboni bagwino chwng separate state nango.