Government YouTube, Facebook, Instagram tei twitter khwlainairogno 5 Lakh rwui mano sponsorship
YouTube, Facebook, Instagram, twitter tomung nwngbo Influencer hinkhe Government yapri naharna bwkhak eba Extra Monetization Policy tubuwi tongo. aboni bisingo nwng benefit wngwi manai. Government nono 5 lakh swk rwui mano sponsorship. Abo nini Youtube 10k Subscriber wngphano.
Tabuksak jora YouTube khwlainairog Google AdSense ni bisingtwino rang ajiwi tongo eba manwi tongo. haiyakheba kubuni sponsorship manwi ajiwi tongo khoroksa khoroksa Youtubers. O kokrogno wansugwino Government tangwi uklokgo tongnai tabukni simi yapri senani bwkhak. India ni Rajasthan hasteo abono choil khwlaikha. khursathai kwlaio abohai yapri India ni joto hasteono naharjagwi mano. Abono karwibo teibo nangkukjak wngkha Government abono twiwi joto janija hasteni montri okra aroni Youtubers bai malaikha. Sana thangkhe Tripura hasteni CM Dr. Manik Sahabo malaikha Tripura hasteni Youtubers bai.
Kokthum no rwksawi nini tomung Facebook, Instagram, Twitter tei YouTube tongkhe rang manai Government ni bisingtwi. Tabuksak jora jeswk Sponsorship mankha abo wngkha Electronic Media, Print Media tei Magazine akorog.
YouTube ni Bahaikhe manai rang aborog wngkha A,B,C tei D khwlaiwi category bakjaknai. Aboni bisingo tomung nini YouTube minimum 10K Subscriber hinkhe Maximum 10K rangni bisingono manai. 1Lakh Subscriber hinkhe Maximum 50K bisingo manai, 5Lakh Subscriber hinkhe Maximum 2Lakh bisingo manai, 1M Subscriber hinkhe Maximum 5Lakh bisingo manai.
Facebook, Instagram tei Twitter bahaikhe manai aborognobo A,B,C,D category khwlaiwino bakjaknai. Tomung D hinkhe 1 reels tei 1 post 1K manai, C hinkhe 1 reels tei 1 post 3K, B hinkhe 1 reels tei 1 post 5K , A hinkhe 1 reels 1 post 10K rang manai. Reels 10 sec, post 3 pictures haiyakheba kaisa video. Abohai India ni Rajasthan haste choil khwlaijakha. Wngwi mano bwskangni salo Tripura hasteni kwbangma YouTubers ni imang haiyakhe thinango teibo chasamung wngnai hwnwi khakalaijak wanusukwrwngrog.
