Gujrat Gandhinagar SemiconIndia Exhibition inauguration khaikha : PM Narendra Modi
PM Narendra Modi nokha salnwi Gujrat ni Gandhinagar o kwrwngkha. Aro SemiconIndia Exhibition phiyogwi rwkha. O panda ni naharmung wngkha India ni Semiconductor ecosystem bahaikhe teibo hamkrai tubuwi man. Abono karwibo tangjimakhor, haa kotorni adongrogno thumsa khwlaiwi twngsa lam o bahaikhe yapri selaiwi man akorog.
Modi a salni pandao kwrwngwi sakha, o samung khainani bagwi kwbang jwngjal achaikha tei baksa baksa o samungno muthupnanibo chaitokha. Phiya jeswkphano hamya khwlainani chaitokdi, kaham tei kwthar khwlaiwi samung khwlaimani salsaya salsa kwplaino wngo.O sal no chwng tini mankha. Bwskangni salo India aboni bisingtwi kwbangma kaham kobolmungni bwthai chwng manai tei haa kotor ni hamkrai wngnai.
Gurjatni Gandhinagar o nokha salnwi baithangni hasteo thangwi belai khakchangmungni koklam sakha. A salni phiyokmungni pandao tongo PM no karwi kubuni kuchuk beremni samung tangnairog.
