Mega Oil Plam Plantation Drive Dhalai Tripura Inauguration khaikha East Tripura ni MP Rebati Tripura
Chasalo kaisa pandani bisingtwi Department Horticulture tei Soil Conservation Tripura ni kaichar hangkhorni bisingo Dhalai hangkhor Mega Oil Plam Plantation Drive phiyogwi rwjakha. Abohai samung kahamno manwi Dhalai hangkhorni lukurog khatung khaja wngmani nukjakha.
Salka babai Tripura ni MP Rebati Tripura sakha, Bharatni montri bokhorok Narendra Modi naio kwrwng kwrwng hasteni hamkrai tei je hasteni tangsamung kwrwi sikla siklirog sak sakni yakungbai bahaikhe bachawi man ayang bwkhak naisigwino Dhalai hangkhor Oil Plam Plantation phiyokjakmani. A salo MP teibo sakha thinango jephuruphano buini haa haa kotorno khakawi tongna nangyatwino Modi ji o yapri naharma.
Koklama pandao MP teibo sakha Tripura ni kaichar hangkhorni bisingo North District , Unokuti District tei Dhalai District o samung khaianw Godrej Agrovet Limited Tei kaiba hangkhor tonganw Patanjali company logi Tripura haphangnibo kaisa company tongnai hwnwi kokthum.
A salo pandao kwrwngkha East Tripura Member of Parliament ni adong Rebati Tripura. Bono karwibo a salni pandao tongo Parimal Debbarma no khobwi kubuni samung tangnairog.
