Indigenous people front of Tripura(IPFT) bwkangni imangno kuplwng khwlainano twiwi yakhwrai ni halok AK Mishra
Sal kisa swkang IPFT bodol ni wngwi Northeast Regional twiphang okra AK Mishra bai thangwi malaikha tei memorandum akorogbo yapharkha.
A salni malaimungo Tripura hasteo 6th schedule amchairogo bahaikhe teibo hamkrai khwlaiwi man tei jeswk mansak 125th Amendment dakti dakti rwjaknani sanmung akorogbo tisajakha.
Jephuru ni simi AK Mishra Tripura haste eba salka babai hasteni barja mankha aphuruni simi dalbidal jwngjal tongmani ulobo joto samung humungrog kahamkhe no naikini khwlaijago.
Aboni bagwi Tripura tongkosong lukurogno hainohai khakalaijak bwskangni salobo abohaino yapri naharjaknai hwnwi.
A salni malaimungo tongo IPFT AGS Swapan Debbarma, Montri Sukla Charan Noatia no khobwi tei kubuni adongrog.
