IPFT: bisi kwdwkma swkang Tipraland sanmung tisawi phaijak, o demand chwngno sanwi phaio!
Indigenous People Front of Tripura(IPFT) bisi kwdwma romwi Tiprasa ni hamkraini kokno khorogo wansugwi yapri sewi tongo Tripraland ni sanmungno twiwi. Hainohai bodolni phan no bahaikhe krak khwlaiwi man ayang bwkhak naisigwi bodolni kuchuk beremni adongrog uram uramno bodolni adongrogno twiwi Tripura moyal thwgwi koklam salaimani nukjagwi tongo.
Abohaikhe chasalo kaisa nangkukjak koklam panda khwlaikha. a salni koklam pandao kubuni phatar hasteni nangkukjak adongrogbo kwrwngkha.
Koklam pandao kok narwkna thangwi IPFT ni adong Prem Kumar Reang sakha, o Tipraland ni demand no tolao khikwlaiwi tabuk kwtal Regional party Tipra Motha ni samung tangnairogni naharmung Greater Tipraland twiwi yapri selaiwi tongo. phiya Tripura Regional party ni wngwi o sanmung tisanai puila IPFT no hwnwi khorang tisawi sakha.
Teikhaksa bwkhak IPFT bodolni adong koklam sana thangwi sakha, Jharkhand, Ladakh o hasterog juda haste manwi paijak tabuk manai Tipraland tei bisi dwkliya hwnwi.
A salni koklam panda lukurogno kwbangkhe kuthumani nukjakha. Panda khwlaijakha Agartala Dasharat Bhawan Hall o.
Koklam panda manjakha Cabinet Minister Sukla Charan Noatia, Swapan Debbarma, Neeraj Khandewale, K.K Jamatia, Prem kumar Reang no khobwi tei kubuni samung tangnairog.
