Maharaj atomsa malaima Tripura ni Chief Ministerbai?
Tripurani rwngthwngni halok tamo swlaijagwi da thangno. Bwskango 2024 Lok Sabha chongbari belai nangkuk Tripura hasteo. Laiwi thangjak jora 2023 bidhan sabha chongbari baksa baksa juda khwlaiwino khakajak tongmani. Phiya haphang swnamkha BJP-IPFT no. Sangrongsalo atomsa hainohai tei waisa Tripura ni Maharaj malaiphikha Tripura ni CM Dr. Manik Sahabai. Kokthumno rwksawui thangnai nokha talsa swkang Tripura CM Dr. Manik Saha Nuyungma o thangwi malaimani bubagra Pradyot Bikram Manikya Debbarmabai. Wansuk kwrwngrog khakalaijak bwskangni salo mungsaya mungsa Triprasa ni hamkrai haiyakhe hasteni hamkrai wngwi mano hwnwi.
A salni malaimung paiwi koktwma thumnairogno bwskango Budget session wngnani bwkhak tei 6th areas ni hamkraino twiwi koklam salaikha. Abono karwibo teibo nangkukjak koklam salaikha. Tipra motha ni ideology demand abo tongnaino thwiyasak eba manyasak aroni mungsa kutulwi thanglak. Teibo sawi khwnarwkha kumarghat ni patimung, sakhamni tangdalno twiwi. Nokha salnwi salthamni bisingo joto koktwma thumnairogno ringwi sukurubwi sajaknai. Laibuma tei sinimungno maintain khaina nango abono ang naio tei naiwibo thangnai hwnwi sakha Maharaj.
