MDC Bidhyut Debbarma : Tripura ni Non-ADC no ADC bisingo chitoknani khorang tisakha!
Phasalo TTAADC ni kokchap nok o dalbidal bodolni rwngthwng kwrwng eba MDC, EM akorogni manjakmao kok khalaijakha. Kok khalaimao BJP ni MDC Bidyut Debbarma nangkukjak kok tisakha.
A salo Mwchang MDC Parliamentary ni 370 No Dhara salsabaino joto soi khwlaiwi teini salono implement khajago. Phiya Tripura ni TTAADC tangwi implement khainanikhe nokha salchar nang? Aborogno dakti jwngjal kotorkuk tongmarogno dakti dakti implement khainani wngthun sakha MDC Bidhyut Debbarma.
Abono karwibo a salo ADC Tiprasa mwthangjakmungno twiwibo khorang tisakha.
ADC Area khochorwi tongo aboni mungsa phirokmung eba yapri naharmani nukjakya. Tangwi? Tei kaisa wngkha tomung thinango jethaio Tiprasa tongo ah thaiono Non ADC hinphano ADC o chitokmanble ! alaida khwlaiwi kami amchaini sijak nukjakrogni bwkhakbo khorang tisakha, thinango norogbo abono twiwi hastephani aro koimung rohordi Non-ADC ni ADC o chitokjakna wngthun hwnwi sakha BJP MDC Bidyut.
