Tei bwswk tongnai Tripura BJP haphang nuknai- CITU adong Manik Dey!
CITU ni ringmungbai All India Road Transport Workers Federation ni jwngjalno kokno khorogo wansugwi kotorma rally khwlaikha. India o kwbangkuk samung tangnairog borogni mwthangmung kwrwi, borogni tangrang khaikwlaijakma, Policerogbai butok khwlaijakma tei haino ereng Tax naharjakma akorog jwngjalo kwlaimungno twiwino o rally.
Malkhungni nokphang tei baniya khwlainairog je muchungtwi manwi khwnwi malkhung dawi rwo tei romjaknai hinkhe malkhung sonairog. Abo wngthun kaham hayakheba hamya cherwi suda nairwnani rwjakya sep.
Abono karwibo borogno bahai tong hwnwi suda koklam swnghorjakya malkhung nongkhormani ulo. Tripura hasteo aboni sinimari kwrwikha. Citu ni bwkhaktwi koktwma Tripura hasteo abohai samung tangnairog jotowi khorok dokchisai ni simi khorok snichisai tongkosong lukurog belai kesebo tongo BJP-IPFT haphang Tripura phan phaimani ulo. Abono karwibo kwbangma malkhung tabuk haino ereng ereng kwlaijak. Kwbangkuk khwlaiwi Tripura hasteo Tax bangkha tei all Indiaobo Tax bangjak Kendra o BJP haphang phano achukmani ulo. 2019 bisio kwtal rwkakhung raida tikhwlaimani abo mungsaswk kok sanani hinkhe sep kwrwi malkhungo kwrwngjak samung tangnairog. Je muchung tabuk fine naharjagwibo tongo malkhung sonairogno hwnwi sakha CITU adong Manik Dey.
O jwngjalni yak kakrwna bagwi CITU memorandum yapharjak haiphano mungsa samung wngliya. Abono twiwi hainohai chasalo kaisa kotorma rally khwlaikha CITU ni bwkhaktwi. A salni pandao manjakha kwrwngjak bodolni samung tangnairog.
