10th International Yoga Day : Tripura hasteobo kotorkhe palaijakha
Hayung haa kotorbai baksa Tripura hasteobo International Yoga Day palaijakha. Tripura Hapania International Ground o haste beremni kotorkuk panda songsajakha. Taklai bisi ni kokbothoma wngkha baithang tei hoda ni bagwi Yoga.
A salo juda juda rwngnokni swrwngnairog CRPF, BSF, TSR tei NSS Unit samung tangnairogno pandao kwrwngkha. Thangnai sangrongsalo koktwma thumnairogni pandao khwlaiwi Tripura thwng bedekni mantri Tinku Roy o panda khwlainano twiwi koktwma thumnairogni panda khwlaiwi sakhwlaimani.
Khursathai kwlaio Bharat ni mantri bokhorok Narendra Modi 2014 bisini 27th September United Nation o 21st June International Yoga Day palainani koimungno rwksawino o salno bisi brum brum tabuk palaijagwi tongo.
Abono karwibo teibo nangkukjak wngkha Yoga no twiwi tabuk University suda thepajakha bijap o. Tripura ni Tourism bedek o salno palaikha Nuyungma o.
Tei khaksa bwkhak o salno 14th President of India Ram nath Kovind baithangni social media share khaikha o salno nangkukjak khwlaiwi palainani tei jotoni sagono abohai yoga khwlainani bagwi koikha.
