25th Foundation Day Tripura Sports School : palaikha Agartala
Tripura Sports School ni Silver Jubilee palaikha bugrakhor Agartala. Sangrongsalo o salno twiwi khatung khajakhe palaikha. Taklai bisibai 25th Foundation Day.
Pandao manjakha Tripura AMC ni Mayor eba MLA Dipak Majumder no khobwi tei kubuni samung tangnairog. Amchaini tei thwngkwrwngrogbo a salo kwrwngmani nukjakha.
Pandani ojama wngwi manjakha Tripura Gymnastic thwngkwrwng Dipa Karmakar.
Khursathai kwlaio 2001 bisi ni simi khorok nwichiba student no twiwi Tripura Sports School yapri semani. A salni pandao buphang bwsa kaijakha.
Pandao kok narwkna thangwi MLA Dipak sakha, Tripura haphang jeswk manjak tong kosong lukurogni kokno khorog wasugwi kwbangma yapri naharwi tongo. Teibo nangkukjak khwlaiwi sakham, thwng, beraikhiri no khobwi yapri naharwi tongo.
