Gold Champion Tripura ni Amardip Debbarma
Thwngmungni yapri bangrwk bangrwk Tripura hasteo tabuk. Kwbangkuk khwlaiwi sana thangkhe Tripura thwngmungo juda yapri selaimani nukjagwi tongo. Cheraiphuruni simi Body Building, Power lifting hai khwlaiwi tongmani Amardip Debbarma. Jora kaisao Bo Tripura haphangni khoroksa sebuk khwlainai tongmani. 1983 bisio Physical Instructor o sebuk manmani tei 31st May 2022 sebuk yakarmani. Haiphano khao muchungma tongmani eba puito tongmani phatar hasteo thangwi haa tei dophani mung kuchukgo tisanani. Abohai thaiono thangwino Gold Medal Asian Equipped powerlifting Kwplai wngkha Amardip Debbarma(120kg). O panda no songsanai wngkha APF(Asian Powerliftinh Federation).
Joto thwngmungno chubachu ni yak rwkha nukhungni bororok tei TTAADC haphang. Bini o kwplai wngmani twiwi Tripura hasteni lukurogno khatung khajani bisingtwi bono lamsoklaikha. Abono karwibo Tripura hasteni dalbidal NGO bodolrogbo bono borom rwlaikha.
