IND Vs BAN 2nd Test watwi ni bagwi mwthagwi rwjakha
Koktisalo India Vs Bangladesh 2nd Test Match nokha saltham ni salo belai watwi ni bagwi thwngmung mwthagwi rwjakha.
Nokbar-twibar bedekni bwkhaktwi koktwma hapung belai watwi wamani bagwi nokha saltham ni salo thwngkhola kisi tongmani bagwi thwngthani jwngjal kwlaiwi mano hwnwi wansugwino mwthagwi rwjakha.
Bwskang salo thwngmungno bahaikhe India Bodol ni Captain Rohit Sharma swrai swrai thwngmungni bisingtwi kahamkhe mung kuchuk khwlaiwi tisawi man ayang bwkhak naisigwino yapri sejak hwnwibo sakha.
Teikhaksa bwkhak Bangladesh ni thwngkwrwng laiwi thangjak match je patimung abo paitiwino thangkha, phiya bwskangni match no bahaikhe bodol ni tei haa kotor ni mung kuchuk o tisawi man yang bwkhak naisigwino yapri sejak hwnwibo sakha Captain Najmal Hossain Shanto.
