Maharaja Bir Bikram Memorial Knock Out Football Tournament chengwi rwkha mantri, EM tei MDC ni yak romwi
Chasalo TTAADC Khumulwng ni Football Stadium chengkha Maharaja Bir Bikram Memorial Knock Out Football Tournament. Pandao luajinairog Khumulwng Social Organization.Phiyokmungni panda tongo Tripura hasteni Tiprasa hamkrai mantri Bikash Debbarma, Sports Minister Tinku Roy, TTAADC EM Suhel Debbarma, EM Runiel Debbarma, MDC Ganesh Debbarma no khobwi tei Khumulwng Social Organization ni adongrog.
Ganesh Debbarma sakha, O Football thwngmungni eba tournament ni naharmung wngkha chini siklarog haino ereng tongyawi abohai thwngmungo teibo kha krak khwlaiwi bachana bagwino o football no chwngbo yapri naharo.
A salo pandao Tripura hasteni Sports Minister Tinku Roy sakha, Haste haphang dalbidal khwlaiwi thumsakhe thwngmungo bahaikhe sikla hoda eba haste ni mung teibo kuchugo tisawi man ayang bwkhak naisigwino yapri naharwi tongo.
Abono karwibo Tripura hasteni Jampuijala Football Groundbo sal kisa swkang phiyogwi rwjakha. Bwskangni salo teibo yapri naharjak. Teikhaksa bwkhak a salo Tripura ni bwrwi football team Bharat haa kotorni Odisha thwngwi Bronze sokat manmani kokbo sawi khwnarwkha. Alaida khwlaiwi haste haphangni thwng bedek laiwi thangjak bisio phatar hasteo thangwi sokat manairognobo Tripura haphang sokat yapharo tei yapharwino thangnai hwnwi sakha mantri.
Chengmungni panda Killa VS Darchawi thwnglaimungo Killa Darchawino 2-0 Goal ni pherbai mechenkha.
