Songsakha Yamrok Trust tei Langmani Chati Club: Independent Day Knock Out Football Tournament
Chasalo Sarat Choudhury SB School Ground chengjakha Football Tournament. Pandano Chati sogwi chengwi rwkha Tokey mwsakwrwng Ruhi Debbarma, Yamrok Trust ni President Sabir Kr. Debbarma no khobwi tei kubuni.
Bisi kwdwkma romwi Yamrok Trust abohaikhe Tripura hasteni kwrwng kwrwng kami amchai eba moyalrogo thwngmungni samung bwtangno krakhe yapri sewi tongo.
A salni pandao kok narwkna thangwi YT President Sabir Kr. Debbarma sakha, Independent Day Knock Out Football Tournament thinango teibo abohai yapri dalbidal khwlaiwi naharjaknai tei pandao logi rwnai Langmani Chati Club ni adongrogni bisingtwino o tournament naithothokhe painai.
Chengmungni pandao puila Tripura hasteni Artist tei Tripura Media hapharni thwngkwrwngrogbai kwrwngkha. Phiya o puilani tournament o Artisrog paikha. Teikaisa nangkukjak wngkha o tournament no naina bagwi achaini thwngmungrog eba o thwngmungno chajaknairog belaikha hohom dodomkhe pandao kwrwngkha.
Alaida khwlaiwi a salo Tripura rwchapmung kwrwngrog pandao sogwinai. Tei belai naithothok khwlaiwi amchaini lukrog nuklainabwle.
