Tripura ni Asmita Dey Thwngmungni berem o rangchakni sokat mankha
Junior Asia Cup Judo Championship thwngmungo rangchakni sokat mankha Asmita Dey. Tripura kwbangma dal bidal beremni thwngkwrwngrog tabuk Tripura hasteo karwibo kubuni hayung haa kotor o thwngwi mung kuchuk khwlaiwi tisamni nukjagwi tongo twrwk twrwk.
23rd July China ni Macau agulio Junior Asia Cup Judo Championship o Tripura ni thwngkwrwng kwplai wngkha Asmita Dey.
Asmita Dey puilani simi belai kaham performance khwlaiwi thwngjak tei paithak thwngmungo Hong Kong’s Suet Yiu Tang no mechenwi rwui kwplai ni thai segwi naharkha.
Bini o thwngwi kwplai khwlaimano twiwi khatung khajani bisingtwi borom rwlaimani nukjakha.
