41th TTAADC Foundation Day palaikha: 23rd August 1984 bisio manmani

by Gobin Debbarma - Aug 23, 2024 7:27 PM

23^rd August 1984 bisi o manmani TTAADC. O salno bisio brumno muito khwlaiwi palaijago 6^th Schedule Area o. laiwi thangjak salno muito khwlaima panda tei borom rwlaima sal.

Phasalo TTAADC Area Khumulwngo kaisa kotorma rally khwlaikha ADC haphang. Taklai bisibai philbrwichisa TTAADC songsama sal palaijakha.

49^th Constitutional Amendment ni bisingtwi Tripura Tiprasa o bwthai manmani. 

Former Prime Minister Indira Priyadarshini Gandhi Tripura no 6^th schedule rwmani eba yapharmani. Khursathaio kwlaio 6^th schedule yapharmani nokha taltham ni ulono 31^st October assassinated khwlaijakmani.

Shyama Charan Tripura, Nagendra Jamatia, Drao Kumar Reang, Harinath Debbarma, Amiya Kumar Debbarma, B.K. Hrangkhwal, Jagadish Debabrma tei ang sakbaithang no khobwi teibo kubuni dophani samung tangnairog ni bisingtwino bwthai manthani kwrwngjak dophani bagwi hwnwi sakha, EM Rabindra Debbbarma.  

Borogni choba ni bwthaino chwng tini ADC o kahamkhe tongwi mano eba baithangni muchungtwi samung tangmani mungsa derakoro kwrwi. Chini siniung hukumu tei thai akorog hwnwi sakha TTAADC CEM Purna Chandra Jamatia.

koklam pandao sana thangwi EM Kamal Koloi sakha, Former CM of Assam Gopinath Bordoloi tei Northeast Autonomy Father of 6th schedule James Joy Mohan Nichols Roy ni samung tangmani kokrog sawi khwnarwkha. 

Panda o manjakha TTAADC Em-rogno khobwi tei kubuni samung tangnairog.