2022 bisini STGT amjokmungo achugwi pass wngjakrogno sebuk chitoknani koimung yapharkha Montri okra Dr. Manik Saha no
Image Source: Bapan Das
Dati dati sebuko twlangnani bagwi Mantri okra tei Rwng bedek ni mantri ni thani koimung naruklaikha 2022 bisini STGT amjokmung pass khwlaijak Candidaterog.
Yango koktwma thumanairogni kok swngpinik mungo phirokmung rinani thangwi khoroksa sikla Sakha, STGT amjokmungo Pass khwlaimani yagulo borogno kok rijak tongmani datino sebuko twlangjaknai hinwi. Phiyaba Bisitham laiwi thangkha tabukbo borog kok rima haikhe samung khwlai phunukya kho hinwi. Yango Sal kisa swkango kubun bedekrogno Offer bwlai yapharwi ribaikha borogni khai tangwi lerwi tinnani nang. Abono twiwi swngmung tisakha choba khainairog.
A salni chobao manjakwi tei khoroksa Tiprajwk Sikli bo sakha, Kwbangma rwngnokrogono rwngphurung nai kwrwi wngmanibai jwngjal Nukjakha. Aborog no mantri okra nugwi tongbo angwi STGT rogno khe Mwthakwi tonina kwlai.Aboni logi logi bo teibo sakha, Amjokmungo achukya sini swkang jotto no ST post 172 nugwi rikha. Ulo jate ah post no khaiklai ta rithuk abono twiwi mantri okra Thani koimung tongnai hwnwi.
Paithago STGT amjokmungo pass khwlaijak Candidate rok sakha, Borog ni o sanmungrog Dati dati supungjakya hinkhe phainai salo borok Haino hai chobao nongkhornai hinwi.
