Laiwi thangjak jora kwbangma sebuk manjakrog laharo nongkhorna nangkha, phiya tabukni haphang joto naikini khaio-Sushanta
Image Source: Social Media
Srangsalo Chamung bedek, CS & CA tei Beraikhiri bedek ni bwkhaktwi Kaisa Kotor thwi rimung sibir Songchajakha. Tripura Hasteni Montri okra Dr. Manik Saha ni manjakmungbai Rajakhor agulini Pragya Bhawan oh a thwi rimung sibir ni panda chengsajakha. A Salni Pandao Food Inspector Department pass wngjak Candidaterogni yago karma bwlai yapharwi rikha Mantri okra.
Yango pandao Kok naruknani thangwi Chamung bedekni Mantri Sushanta Chowdhury Sakha, TPSC amjokmung rimani bisingtwi Food Inspector Deartment Manai Khorokchiba Sikla Siklirogni yago Karma bwlai yapharwi rijakha.
Bo teibo sakha, Tripura Hasteo BJP haphang phaya sini swkang Tripurao Kwbangma kwrwi bigra tongmani eba Samung kwrwi bekar sikla Sikli tongmani. Phiyaba BJP Haphang phaimani Yagulo tabuk jotto nono je jani manthai mote Chakirio twlangjago hinwi.
Sal kisa swkangbo JRBT Group – C, Group- D, Engineering service, Police Constable akorogno karma bwlai yapharjakha. Keboni Manthai chwng sekya hinwi sakha Chamung bedek ni mantri Sushanta Chowdhury.
Panda paina phaisingo Chamung bedek ni mantri Hasteni Mantri okra no koimung narukha Jotto bedek no bisio Talbrwi lailaiwi thwi rimung sibir songchana wngthung.
Abono supungnani hinkhe jottono swkangwi phainani nangnai hwnwi sakha montri. Paithago A salni pandao manjakha Hasteni Mantri okra Dr.Manik Saha, Chamung bedek ni mantri Sushanta Chowdhury, AMC ni mayor eba BjP ni MLA Dipak majumdar no khoboi kubun Kotor adongsong.
