Paithago korma bwlaibai imang mukthang wngkha 975 Tripura Police ni offer manwi : Tripura haphang
Kraksalo Tripura hasteni Tripura haphang laibumao mung tisakha Tripura Police offer yapharwi. Khao chongma haikheno candidaterog offer manwi khatunglaimanibo nukjakha.
Hasteni kerong raida tei Hasteno tongkwchang khwlai toninani naharmung no twiwi kraksalo Haste haphang ni naimwthang bedek ni bwkhaktwi kaisa panda Songchamung ni Bisingtwi R.S bhawan oh Hasteni Luku hamjakmung manjak Mantri okra ni Manjakmungbai 975 Candidate rokni yago police constable offer bwlai yapharwi rijakha.
Offer Yapharkha-CM
a salo Tripura hasteni Montri okra, Tiprasa hamrai montri, ARDD Minister no khobwi tei kubuni adongrogbo Offer yapharkha.
Ah offer bwlaino manwi belaino tongthokjakha Police constable candidaterog.Paithago pandao kok naruknani thangwi Mantri okra Offer bwlai Mannai Takhuk bukhuk rokno Kha kaham tei Hambai yapharkha.
Pandao manjakha montri okra Dr. Manik Saha, Tribal Welfare Minister Bikash Debbarma, Co-Operative Minister Sukla Charan Noatia, ARDD Minister Sudhangshu Das, Tourism Minister Sushanta Chowdhury, Sports Minister Tinku Roy no khobwi tei kubuni samung tangnairog.
