Bubagra Pradyot : Jotono massage rikha, North East bisingo khopjak joto kung bararog thansa wngna wngthun
3rd July ni simi chengsajakha Chibrwi mwtai ter. A terno kitingwi no Tripur khatriya Samaj ni adong rok kaisa Panda songchakha. Pandao Manjakha Maharaja Pradyot kishore Debbarma. Pandao kok naruknani thangwi Pwila no Maharaj Pradyot kishor Chibrwi mwtai ter ni jotto nono kha kaham tei hamjakma yapharkha.
Bo Sakha, Chibrwi mwtai ter ni joraono bini achaimani salbo hwnwi. Sakmang amswk hamthaya ni bisingo phano a salni pandao manjakna bagwi thangkha.
Bo teibo sakha,Tamung no Khatriya Samaj rok Sakni Sinimung Romwi naruknani hinkhe Kami kamio Flag kainani bagwibo sakha.Phiyaba Political flag ta kaidi hinwi Sakha Bubagra.
Tiprasa thansa tongnani hinkhe Debbarma, Reang,Jamatia,Tripura Hinlaya karwi Thansa si Swkang wngdi hinwi Sakha.Jesa Mwtai nok rog Abo Political ni borok rok Swnamwi kwlangmani ya.Agini Maharaj rok swnamwi Kwlangmani hinwi sakha Bubagra.
Abo simiya kubun dophani borok thansa no swbainani bagwi ,Dharma ni mwngwi Christian Hindu hinwi khaklaimung tubuo hwnwi bo sakha Bubagra.
Bo teibo sakha,Tiprasa Comunity amswk khe Kisa wngkha sakni manthai bagwise tabuk choba khwlaima tongna nango hinwi bo Sakha. Kwrwi wngwi Achaimani papya. Phiyaba Kwrwirogno yakung tola tonwi satokmani abose pap hinwi bo sakha Bubagra.
Paithago Bubagra Joto no massage rikha, North East bisingo khopjak joto kung bararogno jate thansa wngna wngthun.
