Buphang chini ama, abono naikini khwlainani nini ani saktharmung belai nangsugo Tripura CM Dr. Manik Saha
Image Source: Social Media
Tripura haste gwnangwi Buphang bwsa kaimani Samung bwtang chengsajakha.Abono rugwino Rwng bedek ni bwkhaktwi Maharani Tulsibati girls higher secondary rwngnogo " Ek ped maa ke naam" 2.0 mwngwi panda Songchajakha.
Ah Salni Pandao Hasteni Mantri okra Dr. Manik Saha no karwibo manjakha Sri Raval Hemendra Kumar, Special secretary Education department ni Sri N.C Sharma, tei L. Darlong aksong. Pandao kok naruknani thangwi Mantri okra sakha, Pradhan mantri Narendra Modini naharmungbai tini rwngbedek ni adong rok abohai Panda songchamanino twiwi bo belaino kha kwchang jakha hinwi.
Buphang Chwngo chini sakni amaa haikhe no saklom rio Ah bagwi Buphangbai chini halok buma busa ni halok hai hinwi bo sakha mantri okra.
Bo teibo sakha, 2023 bisini simino " Ek ped maa ke naam" samung bwtang chengsamani hinwi. A Bisio 1 lakh 42 thousand 6 hundred ni slaibo kwbang buphang busa kaijakha hinwi. A jorao 1 lakh 6 thousand 5 hundred hai Rwngswrwngnai tei borokni buma songbo samung bwtango phai manjakha hinwi sakha.
Ek ped maa ke naam: Tulsibati Girls School
Buphang busa kaikheno wngwlak abono kaham khe naikolnani bo nangnai Hinwi bo sakha mantri okra. Tini ni simi chengsajakmani o Samung bwtang 30th June jora tongnai hinwi bo sakha. A Samung bwtango Kaichar Hangkhor miliwi 3 thousand 6 hundred 52 hai Rwngnok, 2 lakh 92 thousand 400 hundred ni slaibo kwbang Rwngswrwngnai tei 9,044 hai bumarog thangwi manjakha hinwi Koktwma.
Pradhan mantri Narendra Modi Bharat hakotor no Neutral country mwngwi sinimung rinani imang tongo hinwi bo sakha mantri okra. Aboni bagwi bolong bedek simino buphang no naikolna nango kokya Jotto borok rokno pal baksa khe kaikhe Salsa o imang mukthang wngnai hinwi sakha mantri okra.
2022 Bisini simino buphang busa kaimani abhijan chengjakha. Bolong bedekni bwkhaktwi 2022 bisini 8th June Salmario 5 minute ni bisingo no 1 lakh 20 thousand 230 hai Buphang busa kaijakha. 2023 bisini 16th June Salmario 2 lakh 7 thousand 8 hundred Buphang busa kaijakha.
Yango 2025 Bisini 5th June 5 lakh hai buphang busa kaijakha hinwi saiwi khuna rikha Mantri okra. Paithago panda painani phaisingo Hasteni Mantri okra Dr. Manik Saha, Rwngbedek ni adong rok kha kaham yapharmani logi logi pandao thangwi manjaknai wwngswrwngnai, Rwngphurungnairogno hambai yapharkha.
