Tiprasa ni chibrwi mwtaio thangwi kwrwngnani kok sakha Tripur Khatriya Samaj
Image Source: Social Media
Tripura Hasteo jotto ni slai mwtai Kotor wngkha Chibrwi mwtai ter. Bisi burum burum no Chibrwi mwtai ter homdodom ni bisingtwi palaijakwi tongo.
Salsni romwi Tongo Chibrwi mwtai ter. Taklai bisio bo Chibrwi mwtai no kaham khe Palainani bagwi Kokchap khwlailaikha Tripur khatriya Samaj ni wngwi Kisasuk adong rok.
Borog Sakha, Phainai 3rd July Salmario Maharaja Pradyot kishor debbarma no logi twiwi mwtai khulum lainai Tripur Khatriya Samaj ni adongrog. Siri sitini simino Malmata boli rimani bisingtwi Chibrwi mwtai chengsajago hinwi.
Taklai bisio bo malmata boli rimani bisingtwi Chibrwi mwtai chengsajaknai. A Chibrwi mwtai no nainani bagwi Tripura haste ni borokno khoboi phatar hasteni bororokbo thangwi naio hwnwi Sakha Tripur khatriya Samaj ni adongrog.
Chibrwi Mwtai ni Salo Jotto no phai manjaknani bagwi kobok mung narukha Tripur khatriya Samaj ni adongsong.
