50 seated St girls hostel no phiyogwi rwkha Tiprasa hamkrai mantri ni yak romwi Bikash Debbarma
Image Source: Social Media
Tripura Janmejoynagar high School oh 50 seated St girls hostel swnamnano twiwi Srangsalo Jirania ni Belbario kaisa Foundation caremony panda khwlaijakha.A Salni Pandao phai manjakha Jirania Subdivision ni chairman,MDC Ganesh Debbarma,Dophani samung tangnai Nirmal Tei Tribal welfare bedek ni mantri Bikash Debbarma.Pandao kok naruknani thangwi Mantri Bikash debbarma Sakha Langmao Rwngswrwngmung belaio nangkhugo.Lekha swrwngmung ni bisingtwi no Swkangwi mano hinwi.
BJP haphang phaimani Yagulo Twrwk twrwk Hostel kwtal rok swnamwi rijak tongo hinwi sakha.Aboni bagwi Tiprasa kami amchai rogo Chwrai jate swkangwi man Aboni bagwi Rwngnok tei Hostel rok swnamwi rijako hinwi.Bwrwi rokno twiwi kok sanani thangwi Mantri Bikash Sakha,Chwla bwsa rokni Slai bwrwi bwsa rok khasio.Bwrwi rok nukhung Ni logi logi phatar ni Samung bo Khwlaio hinwi.Abo simiya kha sinai Bwrwi hinkhe rang rokbo khatina sio hinwi Sakha.
Aboni logi Tiprasa rokno kha bucharinani bagwi Bo sakha,Kubun bosong ni borok rok Thaichuk rok kawi ajiwi busa rokno kolok Kotor swnamwi tongo borokbo sago muchungma tongkhe o Ajimung ni lama himwi Swkangwi mano hinwi.Bwskang ni sal rogo bukcha kwlaijak thai rogo Haste haphang tei TTAADC haphang Kwthalaiwi aro Thaichuk,Andros tei rubber rok kainai hinwi bo sakha Mantri Bikash.Aboni logi logi bo teibo sakha,Salkisa swkang Pradhan mantri Narendra Modi ni naharmung Bai Salchiba(15) ni bagwi je Spacial drive rimani A sepno ta yakadi hinwi.Paithago Rwngnok ni Rwngphurungnai,Chwrai rokni buma bupha song no A Salni Pandao phai manjakmani bagwi Kha kaham yapharkha mantri Bikash Debbarma.
