CBSE Exam 99% Mark manwi pass khaikha Tripura hasteni Anurag Chowdhury
Kosto khwlaima tongkhe Salsa bwthai kaham Mannai no. Ah kokno bwskang toniwi 2025 bisini CBSE amjokmungo achukwi 99% Mark Manwi Buma Bupha ni mwng Kuchugo karimani logi logi Rwngnokni mwng bo kuchungo tisakha Tripura haste Maloy Nagar Datta Palli Modern higher secondary rwngnogo Rwngswng tongnai Anurag Choudhary.
Buphani mwng Tutan Choudhary. Borogni tongthai Rabindra nagar kali tilao. Anurag Choudhary ni Abohai Marks kaham Manma no rugwi belai no tongthoklaijak bini maa baba no khoboi Rwngnok ni joto rwngphurungnairog.
Yango koktwma thumnai ni kok swngpinikmungo phirokmung rinani thangwi Anurag Choudhary ni bupha Tutan Choudhary sakha, Amaa Tripureswari ni Naikolmung Bai bwsajla abo hai marks kaham Mankha hinwi.
Tei khaksa bwkhak Yango Bwsla Anurag no Kok swngnani thangwi sakha, Bini ah bwthai kaham manmani ulogo bini maa baba tei Jati-sandairog hamari kuplung tongo hinwi.
Bo Salburum no damchar jora romwi porio. Bono nogo phwrwngnai khorokdok Teacher tongo hinwi sakha tei bwskang ni salo NEET exam riwi Medical line o Porina muchungo hwnwi bo bini bwkhani kok rokno sawi khuna rikha.
Paithago bo sakha Sakbaithang ni chaitokma tongkha hinkhe Abohai marks kaham tikhwlai mano. Phainai salrogo teibo kaham khe poriwi buma bupha tei Hasteni mwng no kuchungo twlangnai hinwi sakha bo.
