Dharti Aaba Janbhagidari Abhiyan tongkosong lukurog aboni sep nahardi- Minister Bikash Debbarma

by Shilpa Debbarma - Mon Jun 16 2025 10:45:25 GMT+0000 (Coordinated Universal Time)

Image Source: Social Media

Pradhan Mantri Narendra Modini naharmungbai Koktisalo Agartala ni Pragna Bhawan oh " Dharti Aaba Janbhagidari Abhiyan" Mungwi kaisa panda songchajakha.

Tripura Hasteni kaichar(8) hangkhoro no khwlaijaknai abohai panda.15^th June ni Simi 30^th June jora tongnai panda. A Salni Pandao ST Hostelni chwrai rokbai koklam Salaikha Tribal welfare bedek ni Mantri Bikash Debbarma.

Smart Class ni bisingtwi bobohai swrwngmung manwi tong Aborokbo swngkha Mantri Bikash. Pandao kok naruknani thangwi Tiprasa Dophani chwrai rogno Kaham khe lekha swrwngwi Kolok Kotor wngnani bagwi kobokmung narukha Bo.

Aboni logi logi Phekjaknai manwibai Chalwi tongnani bagwibo dagimung rikha Mantri Bikash. A Salni Pandao Mantri Bikash Debbarma Khoroknwi Tiprasa  Talented Student no Certificate tei 5 thousand khwlai rang yapharwi rikha.

Tribal Welfare Minister Bikash Debbarma

Panda painani phaisingo Mantri Bikash Chwrairokno kok kwcharkha phainai salo Borok jate Athukiri wngwi Tiprasa ni mwng Kuchugo twlangnani wngthung.

Aboni logi logi bo teibo sakha, Tabukbo sakbaithangni Document kwrwikhu abohairogno tei Sakni Manthai manya wngwi tongkho abohai bororok 15^th  june ni simi 30^th  june ni bisingo  o sep no yachagwi narukna wngthung.

Paithago Ah Salni Pandao phai manjakha Juda juda thaini St Hostel ni Chwrai rok, Hoda ni bagwi samung tangnai tei kolok Kotor Adongsong.