Minister Tinku Roy : 11TH International Day of Yoga 2025 Tripura hasteo palainano twiwi koktwma thumnairogni panda
Image Source: Social Media
Hakotor ni logi logi Tripura Hasteo bo International yoga Sal palainani thangwi tongo. Abono rugwi no Kraksalo thwngmung bedek ni Mantri Tinku Roy kaisa press Meet khwlaikha.
A Press meet khwlaimung ni bisingtwi Mantri Tinku Roy Sakha, Central Haphang ni Twidulmungbai Bisi burum burum no Hakotor ni logi logi Tripura Hasteni juda juda Thaio yoga Sal palaijagwi tongo.
Abohaikheno Yoga Salno rugwi Taklaibo Tripura hasteni Unakoti o kotorkhe yoga Sal palaijaknai. A Salo Hasteni Mantri okra Dr Manik Saha no Khoboi tei kubun Kolok Kotor adongsongbo Manjaknai hinwi Sakha bo tei A salo Joto no phai manjaknani bagwibo kobokmung narwkha Mantri Tinku Roy.
Bo teibo Sakha, Tabuk sak joratwi yakung yak Manya 658 hai dibyangan no pension rina chengjakha hinwi. Aboni logi dibyanganrog tabukbo bhata manya bhata riwi rikha hinwi.
Tomungno kebo bhata manya wngwi tongkhe ICDS officebai dati kwrwngnani bagwi Sakha bo. A Salo kok naruknani thangwi bo teibo sakha,Je bwrwi rok Satok pitak jakwi tongo borokni bagwi bo Sepsaprog tongo Hinwi.
Aboni logi logi Bo teibo sakha, Tiprasa kami amchaio Chwrai rokni kokno wanswkwi central haphang 2024 -25 Bisio 148 hai anganwadi centre swnamnani Dagimung rikha.
Aboni bagwi rang rijakha 14 crore 68 lakh hai. Phainai bisio teibo kwtal Anganwadi center phiyok jakhe 10,567 hai Wngnai hinwi sakha. A jorao 345 hai anganwadi karmi tei helpar najaknai hinwi bo sakha mantri Tinku Roy.
