Ministry of Tribal Affairs Vibhu Nayarbai malai Tripura Tribal Minister Bikash Debbarma : khung chi Hostel swnanani bwkhak
Image Source: Social Media
Tripura hasteni kami amchairogo rwngswrwngmung ni pohor tunwi rinani naharmungo Haste haphang kaisa Kotor Naharmung nahakha hinwi sakha Tribal welfare minister Bikash Debbarma.
Bo sakha, Delhi o thangwi Ministry of tribal affairs Vibhu Nayar bai malaiwi kaisa kokchapmung ni Bisingtwi Nangkukmani Samungno twiwi proposal rikha hinwi. Datino Tripurani kami amchaio khungchi hai hostel Kwtal swnamjaknai.
Abo simiya Je amchai rogo tabuk bo borok rok Chwngpherang manya kho abohai kami amchairogo chwngpherang Manani sep khwlai rijaknai.
A Project ni bisingtwi rwngswrwngmung phaising simi hamkrai wngwlak aboni logi amchainibo mung wngnai hinwi sakha Mantri Bikash debbarma.
Borogni naharmungno kami amchai ni joto chwrairog rwngswrwng mana wngthuk tei thinang ni chaiti wngwi bachathung.
Mantri Bikash Debbarma Sakha,Tiprasa Dophani langmao Kwtal sal pirnani thangwi tongo.Tripura haste Tabuk twrwk twrwk swkangwi tongo hwnwi khakajak tongkosong lukurog.
