Rwng swrwngmung pohorni yapri, samung chengsawi tongo TTAADC

Kraksalo TTAADC Rwngbedek ni bwkhaktwi Khumulwng Central library Habanogo Kg-1,kg -2 tei Class 2 ni Bijab phiyokwi rikha EM Rabindra Debbarma. Bijab kwtal phiyok rimani bisingtwi TTAADC o laibuma kwtal swijakha hinwi sakha EM Rabindra Debbarma.
Aboni yagulo Koktwma thumnai rokni kok swngpinik mungo Kok sanani thangwi EM Rabindra Sakha, A Bijab rok Delhi ni simi Print khwlai tubujakha hinwi.
Chwrai rok jate Kokborok Kok no teibo sinani wngthuk aboni bagwi abohai naharmung naharjakha Hinwi sakha. Phainai bisi rogo Class - 3, Class -4 abohaikhe Bijab rok karijaknai hinwi bo sakha.
A bijab Missionary simiya Non Missionarybo jate poriwi man abono wanswkwi no bijab karijakha hinwi. Twrwk twrwk Chwrai rokno phwrwngnani bagwi rwngphurungnai rokno trainingbo rijaknai hinwi sakha.
Kokborok kok no hamjakwi Kwbangma borok rok Tabuk PhD khwlai lai tongo.Bwskang sal rogo Kokborok Kok teibu Kuchugo kathung hinwi Sakha EM Rabindra Debbarma.