SIN Institute GNM tei ANM swami tangma panda manjakha Tripura haste ni hastepha : Governor Indrasena Reddy Nallu

by Gobin Debbarma - Tue May 27 2025 09:56:52 GMT+0000 (Coordinated Universal Time)

Image Source: Bapan Das

Swkangno sakhwlaijakno rwksawi Sarvodaya Institute of Nursing 4^th Batch GNM tei 6^th Batch ANM  swrwngnairogno swami tangrwma panda khwlaijakha Tripura haste bugrakhorni Sukanta Academy amchaio. Khatung khaja khwlaiwi a salo aroni swrwngnairogno khobwi tei kubuni nangkukjak adongrogbo pandao kwrwngmani nukjakha.

 4^th Batch GNM tei 6^th Batch ANM

A salni pandao nangkukjak adong wngwi manjakha Tripura ni Governor Indrasena Reddy Nallu sakha, bwskangni salo norogni bisingtwino tongkosong lukurog kwrwng kwrwng sakhamnogo samung khaithani sakhamya wngjakrog kaham wngwi bachanai tei hasteni mung kwchwng khwlainai.

Pandao manjakha Kendra kwcham montri Pratima Bhowmik, Ramkrishna Mission secretary no khobwi swrwngkhorni nangkukjak adongrog.