Twichakma Khumpui Academy School kwtal nok phiyogwi rwkha TTAADC EM Rabindra Debbarma tei MLA Brishaketu Debbarma ni yak romwi
Swkango kok rijak tongmani haikheno Tripura hasteni Hathai Kotor Twichakma amchaio Khumpui academy Rwngnok Kwtal Swnamjakha.
Tini abono inauguration khwlani bagwi thangkha TTAADC EM Rabindra Debbarma tei Mantri Brishaketu Debbarma khobwi tei kubuni. A salo Chati kwthar musungwi pandano chengsawi rikha Em Rabindra Debbarma no khoboi kubun adong song.
Pandao kok naruknani thangwi EM Rabindra Debbarma sakha, Hathai Kotor hai thaio Rwngnok Kwtal swnamjakmani abo belaino khatungma kok. Phiyaba Rwngnok simi tangmabai wngya aro buildingrog kolok kotor swnam paimani yagulo teibo Naithothok wngnanibo nangnai.
Bo teibo sakha Central Government tei state government 113 hostel rimani thaio Twichakma Khumpui Academy khe puila beremo kasajak tei twrwk twrwk o ganao ONGC tongmanirogno norowi Building kolok khe swnamjaknai hinwi Sakha.
Aboni logi logi gana gini thaio hati kwtalbo swnamwi tisajaknai hwnwi sakha. Yango Khumpui Academy rwngnokno bolaiwi kok Sana thangwi EM Rabindra sakha, Khumulwngo puila Khumpui Academy swnamjakphuru puila phaisingokhe khorok bara haisi Rwngswrwngnai tongmani phiyaba tabuk teibo bangwi khorok nwisaicharra swrwngnairog wngkha.
Khumulwng ni logi logi Kubun thairogobo Khumpui academy rwngnok Swnamnani bagwi Bubagra Pradyot Kishore Manikya Chaitokwi tongo. Abo simiya Rwngnok ni logi logi Cricket, Volleyball, Football hai thungmung ni bagwibo thai swnamnani bagwi yapri naharwi tongo hinwi sakha Em Rabindra.
Khatung khaja khwlaiwi a salo aroni tongkosong lukurog o samungno twiwi bolaimanibo nukjakha.
