2nd District Level Saraj Fair chengwi rwkha Tripura ni Dhalai hangkhor ni bisingo khobjak Ambassa ground o : Minister Bikash Debbarma
Sangrongsalo kaisa pandani bisingtwi Tripura ni Tiprasa hamkrai montri Bikash Debbarma ni yak romwi phiyogwikha rwkha 2nd District Level Saraj Fair Dhalai hangkhor ni bisingo khobjak Ambassa Ground o.
A salo jotowi khungbrwichi khotol no phiyogwi rwkha minister Bikash Debbarma.
Koklam narwkna thangwi minister sakha, bwskang ni salo bwrwirogni phan no teibo krak khwlaina bagwi SHG no teibo phan boksinjaknai. Aboni bagwi a salo minister bhatar ni montri bokhorok Narendra Modinobo kha kaham yapharkha.
Chati mwswngmani bisingtwi khotol kitingwi berai naikha tei koklam kwrwngkha SHG ni samung tangnairogbai.
Pandao manjakha Ambassa amchai ni hodani hojak tongnairogno khobwi tei kubuni nangkukjak adongrog.
