Lampra whathop Festival 2025 Tripura : Noatia Hoda Tripura State Committee
Srangsalo Noatia Hoda philchuku State Level Lampra Whathop Festival 2025 khwlaikha. O panda nokha saltham romwi khwlaijakha. pandani naharmung wngkha Noatia Hoda sirisiti ni laibumano twiwi hojak khwlaimung tei pirsamung. Panda songsanai wngkha Noatia Hoda Tripura State Committee.
Pandao rang montri Pranajit Singha Roy sakha, abohai banik belai hodani bagwi nangkukjak. Bwskangni salo abohai panda akorog teibo bahaikhe kwtal achaisongrogno phunugwi man aborognobo naithai hwnwi.
Abono karwibo bubagra mol ni simino abohaikhe Noatia hoda ni bisingo o terno palaijakmani kok akorogbo sakha montri.
Abono karwibo a salo montri Sukla Charan Noatia sakha , tabuk haphang Tiprasa hamkrai ni kokno bwskango toniwino samung khaiwi tongmani koklambo sakha.
Alaida khwlaiwi o terno rwksawi kwbangma baniya khwlainairogno panda kwrwngkha.
A salni pandao manjakha Noatia Hoda ni nangkukjak adonrogno khobwi tei kubuni samung tangnairog.
