Sakni manthai kwmajak ! Biyang Tiprasa Accord ? lam rikha Tiprasa sengkrak David Murasing Tripura ni simi Delhi
Image Source: Social Media
Sakbaithang ni haa oh tongphano Kubun Dophani borok rok bai satokjagwi tongnani nango Tripura ni Tiprasa. Aboni bagwi sinai nuknai Tiprasa rok Phartar haa ni bororokno Tripura Hasteni kari rohorna hayakhe Greater Tipraland ridi hinwi Central Haphang no naharwi khorang tisalaimani. Aboni yagulo Minister of home affairs Amit Shah Taldok(6) ni bisingo Tiprasa Accord rinai hinwi Kok rikha. Phiyaba Tal Chinwi(12)laiwi bo kok rima haikhe Mukthang khwlai phunuk manyakho Ministry of home affairs Amit Shah. Aboni bagwi khaduksawi Tipra motha ni Sengkwrak David Murasing wanswkha Tripura haste ni simi Delhi himwi thangwi Tiprasa Accord no twiwi Central Haphangbai kok Salainai hinwi.
Swkango kok rijak tongmani haikheno Tipra motha ni Sengkwrak David Murasing puila Nuyungmao thangwi Bubagra no khulumkha.
Aboni yagulo Rajakhor agulini Uttar gate bwskango Aroni simi Delhio lam rina hinwi tiyar wnglaikha. Aboni yagulo Koktwma thumnai rokbai kok sanani Tangwi David murasing Sakha, Bo Political ni borok wngwiya Khoroksa Hindustani wngwi sakni manthai no sannani bagwi lam rinai hwnwi.
Sal kolokma romwi no Tiprasa rok Phatar haa ni borok rok bai thai sekjagwi tongo Chakiri sekjakwi tongo. A jungjal ni yakni Tiprasa rokno karinani bagwi no bo tini Abohai Yapri ma naharkha hwnwi koktwma thumnairogno sakha. A Salo Kwbangma Chakra Chakrajwk songo bono Kaham khe kiphilwi phaidi hinwi kok kwcharkha.
