4th Youth Tipra Federation : songchama sal palaikha Tripura ni kwrwng kwrwng thaio
Chasalo Tripura ni kwrwng kwrwng thaio Youth Tipra Federation ni phil brwi songchama sal palaikha. Khatung kha khwlaiwi bodolni samung tangnairogno o salno borom rwui palaimani nukjakha.
O salno rwksawi Youth Tipra Federation(YTF) phil brwi songchama salno twiwi sakhwlaikha …
"Unity is strength .. when there is teamwork and collaboration , wonderful things can be achieved ". 4 years of fighting for our rights. No step back , the fight will continue .....
Tei khaksa bwkhak YTF ni adong Jiten Debbarma sakha baithangni social media o, Tini Youth Tipra Federation (YTF)ni 4th Songchama(Foundation) sal palai jak kha 16. Mandai- pulinpur constituency o. Oh jora kaham ni salo chini Khachuksa Bubagra Pradyot Bikram Manikya DebBarma no belai belai khe hambai ma yapharo bini bisingtwi khe no YTF rok dopha yoksa nani samung khlai nani sep manwi tongmani bagwi. Tei bwskang ni salo bo YTF teibo krak khlai samung khlaino thangnai.
bisi brumno YTF o sal no borom rwui palaio. Alaida khwlaiwi kwrwng kwrwng panda khwlaithani bahaikhe bwskangni salo bodolni phan no teibo krak khwlainai tei bodol kaham khwlaiwi twidulnani kokmangrog samani nukjakha.
Kwbangma thaio pandao kwrwngkha EM, MDC, MLA no khobwi kwrwngjak bodolni nangkukjak adongrog.
