Congress ni bagwi o kosom sal Haa kotor tei ta kwlaisithun khorang tisakha BJP, Tripura
Image Source: Social Media
Hakotor ni public opinion ni kokno khitarwi Khamotano romwi naruknani no naharwi 1975 Bisini 25th June o Bharat hakotoro Jari khwlaijakmani Essential Condition.1975 Bisio jari khwlaijakmani essential condition Bharat haktor ni laibumao mwnakjak Chapter hinwi Sinijakwano.
Srangsalo Agartala Rabindra Bhawan ni 1 no hall nogo Culture bedek ni bwkhaktwi luwajijak ' Sangbidhan Hottya' Sal Pandao manjakwi A kok sakha Hasteni Mantri okra Dr Manik Saha.
Sathai kwlaio 1975 Bisio jari khwlaijak Essential Condition Bisibachi pungmano rugwi o Salni pandani luwajimung hwnwi. Pandao kok naruknani thangwi Mantri okra Sakha,1975 Bisio jari khwlaijak A Essential Condition no twiwi tabuk ni chwrairog sinani nango.
Sikha hinkhesi tabuk ni haphang tei agini haphang ni bisingo pherlaimung no nugwi hamjaknai tei sakni manthai rokni bagwi bo hojak tongnai hinwi.A Salo mantri okra teibo sakha, Kwcham eba thwiwi thangjak Pradhan Mantri Indira Gandhi ni dagimungbai A jora ni Rastrapati Fakhruddin Ali Ahmed A essential Condition saklai rijakmani. Haktoro Waitham hai Essential Condition jari khwlaijakha hwnwi bo sakha,1962 o waisa ,1971 tei 1975 Bisio waisa hinwi.
Pandao kok naruknani thangwi MP Biplab Kumar Deb bo sakha, Tabukni Chwrai rok soi laibumani twiwi Sinani nango. Essential Condition jorani kok rokno Sinani nango. Yango Rajib Bhattacharjee bo sakha, essential condition jorao Bharat haktor ni bororok tongkesepo tongmanibo nukjakha.
Bini logi logi Lok Sabhani MP Kriti Devi bo sakha, Bharat ni laibumao Essential Condition kaisa lachima sincha chapter hinwi. A Salni Pandao Manjakha Police ni Kotor adong Anurag, Koktwma thumnai Srut ranjan no khoboi kubun adongrog.
